3 Յունիս 2018-ի կիրակի կէսօրին , Զմմառու Պատրիարքական կղերի Միաբանութեան Մայրավանք այցելեցին Հայաստանի Հանրապետութեան կրթութեան եւ գիտութեան եւ սփիւռքի նախարարութիւններու ներկայացուցիչներ գլխաւորութեամբ կրթութեան եւ գիտութեան փոխ նախարար Յովհաննէս Յովհաննէսեանի։ Անոնք ընդունուեցան
Զմմառու Վանքի Մեծաւոր և Պէյրութի թեմի Պատրիարքական փոխանորդ` Գերապայծառ Գաբրիէլ թ.ծ.վրդ.Մուրատեանին կողմէ, որ հայրենի հիւրերուն լայն բացատրութիւններ տուաւ ընդհանրապէս վանքի եւ մասնաւորաբար անոր հիմնադրութեան և պատմական ուղիի մասին:
Այնուհետեւ հիւրերը Երանելի Իգնատիոս Մալոյեան դպրեվանքի կիսասարկաւագներու ուղեկցութեամբ շրջեցան Վանքին բաժանմունքները` մատենադարանը , թանգարանը , ձեռագրատունը։ Հուսկ, Դպրեվանքի սեղանատան մէջ անոնք սեղանակից եղան տեսուչ Հայր Գրիգոր վրդ.Պատիշահի , փոխտեսուչ` Հայր Տիգրան վրդ. Փիլիպպոսեանի և սաներուն, որոնց հետ մտերմիկ զրոյցով մը աւարտեցին իրենց այցելութիւնը։
