Սիրելի Եղբայրներ ի Քրիստոս,
Այսու սրտի մեծ ուրախութեամբ կը հաղորդենք թէ երէկ՝ 12 Մարտ 2020-ին մեր երիցագոյն եղբայրը՝ Մանուէլ Եպիսկոպոս Պաթագեան բոլորեց իր եպիսկոպոսական ձեռնադրութեան 25 ամեակը (12/3/1995 – 12/3/2020):
Ան անխոնջ աշխատելով ծառայեց մեծ անձնուիրումով եւ ջանք չխնայեց իր գործօն մասնակցութիւնը բերելու Աստուծոյ Արքայութեան կերտումին՝ մեր Հայ Կաթողիկէ Եկեղեցիէն ներս:
Այս առիթով կը խնդակցինք եւ փառք կու տանք Աստուծոյ, միաժամանակ հայցելով որ մեր սիրելի Գերապայծառին պարգեւէ քաջառողջութիւն եւ երկար կեանք:
ԴԻՒԱՆ ՀԱՅ ԿԱԹՈՂԻԿԷ ՊԱՏՐԻԱՐՔԱՐԱՆԻ
