Չորեքշաբթի, 13 Դեկտեմբեր 2023, կէսօրէ ետք ժամը 5-ին, Մեծի Տանն Կիլիկիոյ Արամ Ա. Կաթողիկոսը այցելեց Տանն Կիլիկիոյ Կաթողիկէ Հայոց Տէր Ռաֆայէլ-Պետրոս ԻԱ. Կաթողիկոս-Պատրիարքին, Հայ Կաթողիկէ Պատրիարքարանին մէջ, ընկերակցութեամբ Գերշ. Նարեկ Արք. Ալեէմէզեանի, Կաթողիկոսարանի «Կիլիկիա» Մատենադարանի տնօրէն Գերշ. Տ. Շահան Արք. Սարգիսեանի, Կաթողիկոսարանի տեղեկատուական բաժանմունքի վարիչ Հոգշ. Տ. Յովակիմ Վրդ. Բանճարճեանի եւ Միջին Արեւելքի միջ-եկեղեցական եւ միջ-կրօնական յարաբերութեանց պատասխանատու, գաւազանակիր Հոգշ. Տ. Սարգիս Վրդ. Աբրահամեանի:
Ամենապատիւ Հոգեւոր Տէրը եղբայրական ջերմ ընդունելութեամբ դիմաւորեց Վեհափառ Հայրապետը, ներկայութեամբ Պէյրութի թեմի ընդհանուր փոխանորդ Գերպծ. Գաբրիէլ Թ.Ծ.Վ. Մուրատեանի, Ամանի եւ Երուսաղէմի էքզարք Գերպծ. Նարեկ Թ.Ծ.Վ. Նաամոյեանի, Լրատուական գրասենեակի պատասխանատու, Այնճարի եւ Պուրճ Համուտի ժողովրդապետ Դոկտ. Գերյ. Մեսրոպ Ծ.Վ. Թոփալեանի, Գերյ. Նարեկ Ծ.Վ. Մնոյեանի, Հայր Արամ Վ. Աբրահամեանի, Հայր Կարապետ Վ. Գլընճեանի, Տէր Կարապետ քհնյ. Թադէոսեանի եւ Հայ Կաթողիկէ լրատուական գրասենեակի գործակիցներուն։
Եղբայրական սիրալիր մթնոլորտի մը մէջ տեղի ունեցաւ հանդիպումը, որուն ընթացքին Արամ Ա. Վեհափառը նախ իր շնորհաւորանքները փոխանցեց Հոգեւոր Տիրոջ քահանայական ձեռնադրութեան 50-ամեայ յոբելեանին առիթով՝ վերյիշելով իրենց անցեալի յուշերը եւ առաջին հանդիպումը (Լոս Անճելըս, 1995), ապա իր շնորհակալութիւնը յայտնեց ջերմ ընդունելութեան համար։
Իր կարգին, Ամենապատիւ Հոգեւոր Տէրը խօսք առաւ եւ ողջունեց Արամ Ա. Կաթողիկոսը՝ անոր շնորհակալութիւն յայտնելով շնորհաւորական խօսքերուն համար՝ շեշտելով երկու քոյր Եկեղեցիներուն սերտ կապերու անրաժեշտութիւնն ու զանոնք աւելի եւս ամրապնդելու միջոցները։
Ապա, երկու Հոգեւոր Պետերը քննարկեցին հայ ժողովուրդը յուզող հարցեր, անդրադառնալով յատկապէս լիբանանահայութեան եւ Լիբանանի քաղաքական, տնտեսական ու ընկերային տագնապներուն, շրջանային ծանր իրադարձութիւններուն, ինչպէս նաեւ Սփիւռքի ու միջ-համայնքային գործակցութեան առնչուած հարցերուն։ Անոնք ընդգծեցին ազգային միասնականութիւնը ամրապնդելու հրամայականը, համախմբուելով մեր ազգը ու հայրենիքը միացնող արժէքներուն ու ձգտումներուն շուրջ:
Աւարտին, Ամենապատիւ Հոգեւոր Տէրը եւ Վեհափառ Հայրապետը սրտագին բարեմաղթութիւններ փոխանակեցին Սուրբ Ծննդեան ու Ամանորի տօներուն առիթով:
يوم الأربعاء الواقع في 13 كانون الأول 2023، عند الساعة الخامسة عصراً، زار كاثوليكوس بيت كيليكيا للأرمن الأرثوذكس آرام الأول صاحب الغبطة روفائيل بدروس الحادي والعشرون كاثوليكوس بطريرك بيت كيليكيا للأرمن الكاثوليك، في المقرّ البطريركي، يرافقه سيادة الأرشمندريت ناريك أيليمزيان، سيادة الأرشمندريت شاهان سركيسيان، حضرة الأب هوفاكيم بنجارجيان وحضرة الأب سركيس أبراهاميان.
استقبل صاحب الغبطة بحفاوة أخوية الكاثوليكوس آرام الأول، بحضور النائب البطريركي لأبرشية بيروت البطريركية المونسنيور كبريال موراديان، المبعوث الرسولي في عمان والقدس المونسنيور ناريك نعمويان، مسؤول المكتب الإعلامي في البطريركية المونسنيور الدكتور ميسروب طوباليان، حضرة الأب ناريك منويان، حضرة الأب آرام أبراهاميان، حضرة الأب كرابيت كلنجيان، الخوري كرابيت طاتيوسيان والمعاونين في المكتب الإعلامي.
دام اللقاء في جوّ من المحبة الأخوية، حيث بادر الكاثوليكوس آرام الأول الى تهنئة صاحب الغبطة بمناسبة اليوبيل الخمسين لسيامته الكهنوتية، مستذكراً لحظات من الماضي واللقاء الأول بينهما (في لوس أنجلس عام 1995)، ثم شكر غبطته على حفاوة الإستقبال الودّي.
من جهته، رحّب صاحب الغبطة بالكاثوليكوس آرام الأول شاكراً إياه على كلمات التهاني ومشدداً على أهمية الروابط بين الكنيستين الشقيقتين والسبل الكفيلة لتدعيمها.
خلال اللقاء، تطرّق أصحاب الغبطة والحضور الى المسائل التي تهم الشعب الأرمني، مشيراً الى الأوضاع السياسية والاقتصادية والاجتماعية الصعبة في لبنان، كما أشاروا الى مسائل التعاون المشترك بين مختلف الطوائف والشتات. كما أكّدوا على أهمية الوحدة الوطنية وضرورة الالتفاف حول القيم والتطلّعات الجامعة.
في الختام، تبادل صاحب الغبطة والكاثوليكوس آرام الأول التهاني القلبية بمناسبة أعياد الميلاد المجيد ورأس السنة.
