Նախագահութեամբ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ. Գրիգոր Պետրոս Ի. Կաթողիկոս Պատրիարքին եւ մասնակցութեամբ Հայ կաթողիկէ թեմերու առաջնորդներուն եւ միաբանութեանց մեծաւորներուն, այսօր՝ երեքշաբթի 28 օգոստոս 2018-ին Զմմառու Տիրամօր վանքին մէջ սկիզբ առաւ Հայ Կաթողիկէ Եկեղեցւոյ Եպիսկոպոսներու Սիւնհոդոսը, որ պիտի երկարի մինչեւ 7 սեպտեմբեր 2018։
Սիւնհոդոսի օրակարգը պիտի ընդգրկէ հոգեւոր, հովուական, թեմական, կանոնական, վարչական, կրթական, հրատարակչական, տեղեկատուական եւ ընկերային հարցեր, ինչպէս նաեւ շրջանի հայկական գաղութներուն իրավիճակը եւ համայն հայութիւնը յուզող խնդիրներ։
