Չորեքշաբթի, 31 Հոկտեմբեր 2012 - Սրբազան Քահանայապետին ուղերձը Հոգեւոր Տիրոջ

Առ Գերերջանիկ Տէր
Ներսէս Պետրոս ԺԹ.
Կաթողիկոս Պատրիարք Տանն Կիլիկիոյ Կաթողիկէ Հայոց

           Լիբանանի առաքելական ճամբորդութենէս վերադարձին, խորին երախտագիտութիւնս կ΄ուզեմ յայտնել ձեզի, այն ջերմ ընդունելութեան համար, որ ցուցաբերեցիք իմ անձիս հանդէպ ամբողջ կեցութեանս ընթացքին: Անձնապէս ձեզի շնորհակալութիւն յայտնելով, կը փափաքիմ արտայայտել նաեւ իմ անկեղծ երախտապարտութիւնս Կիլիկիոյ Հայոց Պատրիարքութեան եպիսկոպոսներուն եւ հաւատացեալներուն, գնահատելով անոնց փառաւոր հիւրընկալութիւնը:

Շնորհակալութիւններս կþուղղեմ նաեւ բոլոր անձերուն, որոնք իրենց նուիրումով եւ արդիւնաւոր գործունէութեամբ նպաստեցին այդ օրերուն արարողութիւններու եւ հանդիպումներու բարի ընթացքին։

Մեծ ուրախութեամբ իմ սրտիս մէջ կը պահեմ այդ ժամերու յիշատակը, ուր հանդիպեցայ այնքան հաւատացեալներու, որոնք ժամանած էին բոլոր տարածաշրջանէն, խանդավառ կերպով բացայայտելու իրենց գորովը եւ փարումը Պետրոսի Յաջորդին։ Բազմաթիւ հանդիպումներու ընդմէջէն իմացայ շրջանի մարդկային հարստութիւնը եւ եկեղեցական կենսունակութիւնը, բայց նաեւ Միջին Արեւելքի ժողովուրդներու տառապանքը, որոնք շատ անգամ բռնութեան զոհ կը դառնան։ Այս անմոռանալի պահերու արդիւնաւէտ արգասիքը կարող է քաջալերել եւ ուղղել Եկեղեցին Միջին Արեւելքի մէջ որպէսզի արիաբար ապրի հաշտութեան իր վկայութիւնը եւ յոյսով նայի դէպի ապագան։ «Եկեղեցին Միջին Արեւելքի մէջ» առաքելական յորդորի ստորագրութեամբ եւ յանձնումով, կը փափաքիմ, որ այս սիրելի երկրին մէջ վերածնի հաշտութիւնը, արդարութիւնը եւ խաղաղութիւնը։

Սուրբ Կոյս Մարիամի յանձնելով Միջին Արեւելքի այս սիրելի շրջանը, ձեզի կþուղղեմ առաքելական օրհնութիւնը, ինչպէս նաեւ եպիսկոպոսներու, քահանաներու, կրօնաւորներու, կրօնաւորուհիներու եւ Կիլիկիոյ հայոց պատրիարքութեան բոլոր հաւատացեալներուն։

Վատիկան, 2 հոկտեմբեր 2012   
Բենեդիկտոս ԺԶ.  

***

À Sa Beatitude
Nersès Bedros Tarmouni
Patriarche de Cilicie des Armenies 


              Au retour de mon Voyage apostolique au Liban, je désire vous faire part de ma profonde gratitude pour l’accueil chaleureux qui m’a été réservé tout au long de mon séjour. En vous remerciant personnellement, je souhaite aussi exprimer ma sincère reconnaissance aux Évêques et aux fidèles du Patriarcat de Cilicie des Arméniens, dont j’ai pu apprécier la grande hospitalité. J’adresse aussi mes remerciements à toutes les personnes qui, par leur dévouement et leur efficacité, ont permis le bon déroulement des célébrations et des rencontres au cours de ces journées.

Je garde avec joie dans mon cœur le souvenir de ces heures où j’ai rencontré tant de fidèles venus de toute la région manifester avec enthousiasme leur affection et leur attachement au Successeur de Pierre ! À travers les nombreuses rencontres, j’ai perçu la richesse humaine et la vitalité ecclésiale de la région, mais aussi la souffrance des peuples du Moyen-Orient, trop souvent victimes de la violence. Les fruits de ces moments inoubliables pourront encourager et guider l’Eglise au Moyen-Orient pour qu’elle vive courageusement son témoignage de communion et regarde vers l’avenir avec espérance. Par la signature et la remise de l’Exhortation apostolique Ecclésia in Medio Orient, je souhaite que, sur cette terre bien-aimée, puisse germer la réconciliation, la justice et la paix !
 
Confiant la région bien-aimée du Moyen-Orient à la Vierge Marie, je vous adresse la Bénédiction apostolique ainsi qu’aux Évêques, aux prêtres, aux religieux et aux religieuses, et à tous les fidèles du Patriarcat de Cilicie des Arméniens.  

Du Vatican, le 2 octobre 2012
Benedictus XVI

Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ