Դամասկոսէն Գանատա մեկնած ՀԿՄ.ականներ, որոնք հաստատուած են Մոնթրէալ քաղաքը, արդէն իսկ աշխոյժ աշխատանքի լծուած են տեղւոյն Հայ կաթողիկէ եկեղեցւոյ շրջափակէն ներս, միանալով այնտեղի նուիրեալ ազգայիններուն: Եւ այսպէս, անոնք վերջերս կազմած են շեփորախումբ, կատարելով բազմաթիւ փորձեր ու ելոյթ ունեցած են 24 եւ 25 դեկտեմբերին Ս.Ծննդեան տօնին առթիւ՝ մեծ խանդավառութիւն ստեղծելով շրջանակէն ներս եւ ստացած են օրհնութիւնը ու քաջալերանքը ժողովրդապետ Զապպարեան Գերյարգելիին:
