Կիրակի, 6 Մայիս 2018-ի առաւօտեան ժամը 11:00-ին, Հռոմի Հայ կաթողիկէ Սուրբ Նիկողայոս եկեղեցւոյ մէջ, սուրբ եւ անմահ Պատարագ մատուցեց Զմմառու Միաբանութեան Պատրիարքական Փոխանորդ եւ վանքի մեծաւոր՝ Գերապայծառ Հ. Գաբրիէլ թ.ծ.վ. Մուրատեան։ Յընթացս սուրբ Պատարագին, Զմմառեան ժառանգաւոր եւ Քահանայապետական Լեւոնեան հայ վարժարանի սաներէն՝ եղբ. Պետրոս Էլիաս Մարաշլեան Հատտատ եկեղեցւոյ փոքր կարգերն ու կիսասարկաւագութիւնը ստացաւ ձեռամբ՝ գերապայծառ մեծաւոր Հօր, խարտաւիլակութեամբ՝ վարժարանի մեծաւոր՝ գերյարգելի Հ. Նարեկ ծ.վ. Նաամոյեանի:
Շնորհաւորութիւններ կիսասարկաւագ եղբ. Պետրոսին, որուն կը մաղթենք հաստատ քայլերով հասնիլ քահանայութեան:
