Հինգշաբթի, 20 Յունուար 2011 - ՀԿՄ Դամասկոսի ցաւակցագիրը Գասպարեան հոգեւոր տիրոջ վախճանումին համար


Դամասկոս

18 յունուար 2011

 

Ամենապատիւ եւ Գերերջանիկ տէր Ներսէս Պետրոս ԺԹ. Կաթողիկոս Պատրիարք Կաթողիկէ Հայոց Տանն Կիլիկիոյ։

 

Արհիապատիւ եպիսկոպոսներ, գերյարգելի եւ գերապատիւ վարդապետներ Արծիւեան պատրիարքական միաբանութեան ու Հայ Կաթողիկէ նուիրապետութեան։

 

Սգակիր Գասպարեան ընտանիքի անդամներ։

 

Խոր կսկիծով իմացանք երջանկայիշատակ վաստակաւոր Գասպարեան Հոգեւոր Տիրոջ վախճանումի լուրը։ Ամենապատիւ Հոգեւոր Տէրը երկար տարիներ իմաստութեամբ ու խոհեմութեամբ վարեց մեր Հայ Կաթողիկէ նուիրապետութիւնը ու հայրական գուրգուրանքով պարուրեց մեզ այս համայնքի զաւակները։ Որպէս Դամասկոսի Հայ Կաթողիկէ Միութիւն՝ զանազան առիթներով վայելած ենք երջանկայիշատակ հայրապետին ներկայութիւնը մեր մէջ ու անմիջական հետաքրքրութիւնը ու աջակցութիւնը  մեր  գործունէութիւններուն։

 

Այս տխուր պահին՝ մեր աղօթքները  սգակիր համայնքի եղբայրներուն հետ, կը բարձացնենք առ Աստուած, որ վախճանեալ հայրապետին պարգեւէ մշտնջենական հանգիստ ու իր անմահ հոգին ընդունի երկնային օթեւաններուն մէջ ու բոլորիս  շնորհէ մխիթարութիւն։

 

Դամասկոսի Հայ Կաթողիկէ Միութեան խորհուրդի ու Տիկնանց վարչութեան անունով  մեր խորին ցաւակցութիւնները կը յայտնենք Ամենապատիւ եւ Գերերջանիկ Հոգեւոր Տիրոջ, ինչպէս նաեւ մեր բոլոր հոգեւորական հայրերուն եւ Գասպարեան ընտանիքի բոլոր անդամներուն։

 

Յիշատակն արդարոց օրհնութեամբ եղիցի։

 

Ի դիմաց ՀԿՄ խորհուրդի

 

Սարգիս Քէշիշեան                                                                   Արամ Գայայեան

Ատենապետ                                                                                Ատենադպիր                                                                   

 

 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ