Չորեքշաբթի, 3 Նոյեմբեր 2010 - «Վասն Միութիւն» աշխարհական ջարժումի Համամիութենական թափօրը Փարիզի մէջ

 

Փարիզ

 

Երկուշաբթի, 1 նոյեմբեր 2010, Փարիզի հայ կաթողիկէ եկեղեցւոյ ժողովրդապետը գերապատիւ հայր Գէորգ վրդ. Ասատուրեան, իր մասնակցութիւնը բերաւ «Վասն Միութիւն» աշխարհական ջարժումի համամիութենական թափօրին ու գլխաւորեց թափօրի արարողութիւնը, Փարիզի պողոտաներու վրայ մասնակցութեամբ՝ աւելի քան 5000 հաւատացեալներու։ Ան հայերէնով աղօթքներ արտասանեց ու շարականներու երգեցողութիւն կատարեց վկայութիւն տալով հայ ազգի դարաւոր պատկանելիութեան քրիստոնեայ հաւատքին, ինչպէս նաեւ՝ անոր մարտիրոսութեան եւ մեծ եղեռնի մէկ ու կէս միլիոն նահատակ զոհերուն։

Իր խօսքին մէջ հայր Գէորգ անդրադարձաւ թէ «հայերը եղած են քրիստոնեայ առաջին ժողովուրդը` խաչապաշտ ժողովուրդ` բայց որ կը հաւատայ Քրիստոսի Յարութեան եւ յարութեան մէջ է որ հայ ազգը գտած է ուժը վերականգներու եւ դիւցազնաբար ու հերոսաբար ապրելու իրեն քրիստոնեայ հաւատքը»։ Հայր Գէորգ անդրադարձաւ նաեւ Իրաքի մէջ ասորիներու եկեղեցւոյ դէմ գործադրուած ահաբեկչական արարքին ու խնդրեց ներկաներէն որ աղօթեն միջին արեւելքի քրիստոնեաներու համար որոնք դժուար կացութեան մէջ կ’ապրին։

Արարողութեան ընթացքին հաւատացեալներու ամբոխը ուզեց մասնաւորապէս աղօթել Հայաստանի ու հայ ժողովուրդի դիտաւորութեան եւ Notre Dame  տաճարի մէջ շարունակաբար լսելի եղաւ «Մայր Հայաստանի պահապան ու պաշպան եղիր հայ ժողովուրդին» լիթանիան, այնպէս որ կարծէք «Վասն Միութիւն» արարողութիւնը (ամբողջը) կեդրոնացած ու կազմակերպուած ըլլար Հայ Ժողովուրդի դիտաւորութեան՝՝։

Թափօրը, որ վերջ գտաւ Փարիզի՝ Notre Dame տաճարին մէջ  ունէր իբրեւ նպատակակէտ «վերապրիլ ու վկայել ժողովրդական կրօնական քրիստոնեայ սովորութիւնները»։   

 

 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ