Չորեքշաբթի, 3 Նոյեմբեր 2010 - Դամասկոսի թեմէն լուրեր

 

Դամասկոս

 

Շաբաթ 16 եւ կիրակի 17 հոկտեմբեր 2010, Դամասկոսի ՀԿՄ Պատանեկանի անդամները կազմակերպեցին երկօրեայ «Քերմէս» մը, Փարոս վարժարանի բակին մէջ, նոր տարեշրջանի վերամուտին առթիւ։ Քերմէսը ընդգրկեց զանազան խաղեր եւ մեծ թիւով ծնողներ ու քոյր միութիւններու սկաուտական եւ պատանեկան կազմեր մասնակցեցան այս ձեռնարկին։ Ինչպէս նաեւ Դամասկոսի ժողովրդապետ՝ գերապատիւ հայր Գէորգ վրդ Պահէյեան եւ նախկին ժողովրդապետ հայր Անտոն վրդ Սարոյեան իրենց մասնակցութիւնը բերին այս Քերմէսին։

 

Երեքշաբթի, 19 հոկտեմբեր 2010, սուրբ Թարգմանչաց ու Հայ գիրերու գիւտի տօներուն առթիւ, Դամասկոսի ՀԿՄ-ի տիկնանց վարչութիւնը կազմակերպեց նախաճաշ մը, հովանաւորութեամբ արհիապատիւ Յովսէփ եպս. Առնաութեանի առաջնորդ Դամասկոսի կաթողիկէ հայոց եւ մասնակցութեամբ ժողովրդապետ գերապատիւ հայր Գէորգ վրդ. Պահէյեանի, հին Դամասկոսի «Նատա ալ Այամ» գողտրիկ ճաշարանին մէջ։ Հայր Գէորգ վարդապետը իր խօսքին մէջ շեշտը դրաւ հայ կնոջ ու մօր դերին վրայ պատրաստելու եկեղեցւոյ եւ ազգին կառչած մնալու պատրաստակամ սերունդներ, որոնք իրենց մէջ կը կրեն սուրբ Մեսրոպի շունչն ու ոգին։    

 

 

 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ