Շաբաթ, 17 Մարտ 2007 - Ամենապատիւ Ներսէս Պետրոս ԺԹ. Կը Շնորհաւորէ «Ազդակ»ի Հիմնադրութեան 80Ամեակը

Պէյրութ, 16 Մարտ 2007

Դիւան թիւ 67/07

«ԱԶԴԱԿ» ՕՐԱԹԵՐԹԻ ԽՄԲԱԳՐՈՒԹԵԱՆ


 Մեծ ուրախութեամբ կ’ողջունենք լիբանանահայ մամուլի բաբախուն զարկերակը հանդիսացող «Ազդակ» օրաթերթը, իր հիմնադրութեան 80ամեակի յոբելեանին առիթով:

 Այս յոբելեանը տօն է ողջ լիբանանահայութեան, նաեւ սփիւռքահայութեան համար, որոնց ութ տասնամեակներ անխոնջ եւ նուիրուած ծառայած է «Ազդակ» օրաթերթը:

 «Ազդակ»ը ունեցած է բեղուն գործունէութիւն եւ վստահաբար տակաւին պիտի շարունակէ ունենալ, յենելով իր անցեալի փորձառութեան հարուստ ձեռքբերումներուն, ինչպէս նաեւ իր    ընթերցասէր հոծ հասարակութեան վստահութեան ու հաւատքին, որոնք կը ծնին անոր 80 տարիներուն ազ•անուէր ու ազ•օ•ուտ ծառայութիւններէն՝ •րական, հո•եւոր, մշակութային եւ յատկապէս ազ•ապահպանութեան ու հայեցի դաստիարակութեան առաքելութեան ասպարէզներուն մէջ: Կը գնահատենք գիրով եւ գաղափարներով ազգին ծառայելու «Ազդակ»ի առաքելութիւնը: կ’օրհնենք նաեւ բարոյապէս ու նիւթապէս այս առաքելութեան թիկունք հանդիսացող բոլոր ազնիւ անհատները:

Կը մաղթենք, որ «Ազդակ» օրաթերթը յարատեւէ իր նուիրումի գործին մէջ, յաղթահարէ բոլոր ստեղծուած դժուարութիւնները, ինչպէս ասկէ առաջ միշտ ըրած է՝ պատուախնդրօրէն ու հպարտութիւն առթող տողերով զար¬դա¬րած է սփիւռքահայ մամուլի պատմութեան էջերը:

Թող «Ազդակ»ը միշտ ներկայութիւն ունենայ հայ տուներէն եւ ակումբներէն ներս՝ ծառայելով նորանոր սերունդներու եւ կենսունակ պահելով իր 80ամեայ ջահը, որպէսզի յաղթականօրէն թեւակոխէ նորանոր տասնամեակներ:

Բեղուն ապագայի լաւագոյն մաղթանքներով Աստուծոյ օրհնութիւնը կը հրաւիրենք 80ամեակը տօնող «Ազդակ» օրաթերթին, անոր աշխատակազմի խմբա•րական, լրատուողական, տնտեսական եւ այլ մարմիններու, ինչպէս նաեւ անոր բոլոր ընթերցողներուն վրայ:

 Հայրական Օրհնութեամբ՝


 Ներսէս Պետրոս ժԹ.
 Կաթողիկոս Պատրիարք Տանն Կիլիկիոյ Կաթողիկէ Հայոց
                      

 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ