Չորեքշաբթի, 8 Սեպտեմբեր 2010 - Մեսրոպեանի տեղեկատուական-ուսումնասիրական խմբակը այցելեց Հ. Կ. Պատրիարքարան


Պէյրութ, Լիբանան

Երեքշաբթի
, 7 սեպտեմբեր 2010-ին, կէսօրէ ետք ժամը 4:30-ին, Հայ կաթողիկէ Մեսրոպեան բարձրագոյն վարժարանի տեղեկատուական-ուսումնասիրական աշակերտական խմբակին անդամները, ընկերակցութեամբ վարժարանի տնօրէն Կրէկուար Գալուստին եւ խմբակի խորհրդատու ուսուցիչ Րաֆֆի Տեմիրճեանին այցելեցին Հայ կաթողիկէ պատրիարքարան, ուր հանդիպում ունեցան Տանն Կիլիկիոյ կաթողիկէ հայոց Ներսէս Պետրոս ԺԹ. կաթողիկոս պատրիարքին հետ։

Հանդիպման ընթացքին վարժարանի տնօրէն Կրէկուար Գալուստ ներկայացուց տեղեկատուական-ուսումնասիրական աշակերտական խմբակին կարեւորութիւնը ու հետապնդող նպատակները, մանաւանդ լրատուական մարզին համար երիտասարդ մարդուժ պատրաստելու հեռանկարը։
Ամենապատիւ հոգեւոր տէրը մեծապէս գնահատեց այս աշխատանքը, եւ շեշտեց, որ հայ աշակերտները պէտք է տէր կանգնին Հայերէնին եւ ազգային, հոգեւոր ու մտաւոր ժառանգութեան, որոնցմով կարելի է պահպանել հայութեան գոյութիւնը։
Իր կարգին, աշակերտական խմբակի խորհրդատու ուսուցիչ Րաֆֆի Տեմիրճեան ներկայացուց խմբակին յառաջիկայ գործունէութիւնն ու ծրագիրները։

Նշենք, որ հոգեւոր տիրոջ հետ հանդիպման նախօրեակին, աշակերտները նաեւ ծանօթացան սուրբ Գրիգոր Նարեկացի կեդրոնին աշխատանքներուն ու ծրագիրներուն։


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ