Ուրբաթ, 19 Մարտ 2010 - Գոյժ՝ Քոյր Արշակուհի Մալճեանի


Կիւմրի,
Հայաստան

 

Անարատ Յղութեան Հայ Քոյրերու Միաբանութիւնը կը գուժէ մահը քոյր Արշակուհի Մալճեանին, որ պատահեցաւ հինգշաբթի 18 Մարտ 2010, յետ շաքարախտի երկարատեւ հիւանդութեան։

Յուղարկաւորութեան արարողութիւնը տեղի պիտի ունենայ երեքշաբթի 23 Մարտին, Կիւմրիի մէջ, Հայաստան։

Քոյր Արշակուհի Մալճեան ծնած է Հալէպ, 1934-ին։ Անարատ Յղութեան Հայ Քոյրերու Միաբանութեան մաս կազմած է 1958-էն սկսեալ, ուր տարիներ շարունակ վարչական եղած է մինչեւ 1988 թուական։ Հայաստանի երկրաշարժէն անմիջապէս յետոյ մեկնած է հայրենիք, ուր աշխոյժ կերպով գործած է մինչեւ իր մահը։

Հայ կաթողիկէ պատրիարքարանը եւ կայքէջի պատրիարքական յանձնախումբը կը ցաւակցին անոր պարագաներուն եւ Անարատ Յղութեան Հայ Քոյրերու Միաբանութեան, այս մեծ կորուստին համար: Թող Աստուած ընդունի զինք իր Արքայութեան մէջ եւ Եկեղեցւոյ եւ միաբանութեան տայ նորանոր կոչումներ:


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ