Ուրբաթ, 3 Յուլիս 2009 - Բենեդիկտոս ԺԶ. կը ներկայացնէ երրորդ նոր շրջաբերականը

 

 

Վատիկան

Երկուշաբթի 29 Յունիս 2009-ին,Պենեդիկտոս ԺԶ. հաստատեց վերնագիրը իր երրորդ շրջաբերականին, եւ  յայտարարեց անոր մօտակայ տպագրութիւնը, խոկալով «ամբողջական զարգացման» եւ «կայուն յառաջդիմութեան» պայմաններուն մասին:

«Սէրը ճշմարտութեան մէջ» շրջաբերականով, Քահանայապետը, որպէս նպատակ ունի ի յայտ բերել մկրտուողներուն յանձնառարութիւնը այս ծիրերէն ներս:

Այսպէսով ինք անձամբ յանձնեց շրջաբերականին ընթերցումին բանալիները, Հրեշտակ Տեառնի աղօթքին ընթացքին, Սուրբ Պետրոսի հրապարակին վրայ:

Շրջաբերականը պիտի ներկայացուի Կարդինալ Րէնաթօ Րաֆֆայէլէ Մարդինօի կողմէ, նախագահ՝ Արդարութիւն եւ Խաղաղութիւն քահանայապետկան խորհուրդին, երկուշաբթի 6 կամ երեքշաբթի 7  Յուլիս 2009ին, այսինքն G8ի համաշխարհային նիստին նախօրեակին, որ տեղի պիտի ունենայ 8էն 10 Յուլիս 2009ին, իտալական նախագահութեամբ, Աքուիլա քաղաքին մէջ, որ քանդուեցաւ 6 Ապրիլ 2009¬ի զօրաւոր երկրաշարժին  պատճառով:

«Իմ երրորդ շրջաբերականիս հրատարակումը այսուհետեւ մօտ է: Ան որպէս վերնագիր ունի Սէրը Ճշմարտութեան մէջ», յայտարարեց քահանայապետը:

Ան խնդրեց հաւատացեալներէն աղօթել «կայուն յառաջդիմութեան» դիտաւորութեան համար:

Շրջաբերականը ունի նաեւ մարդաբանական բնոյթ մը, որով կը յիշեցնէ մարդուն արժապատուութիւնը յարգելու պահանջքները:

Կարդինալ Պէրթօնէ նշած է այս առթիւ, թէ քահանայապետը չուզէր կրկնել Եկեղեցւոյ ընկերային ուսուցման նոյն խօսքերը, այլ` կ՛ուզէ յայտնաբերել նոր տարրեր, որոնք կը համապատասխանեն այս դարուս մարտահրաւէրներուն:

 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ