Երեքշաբթի, 24 Փետրուար 2009 - Աւստրիոյ Դեսպանը Այցելեց Հայ Կաթողիկէ Պատրիարքարան

Լիբանան

 
Երեքշաբթի, 24 Փետրուար 2009-ին, առաւօտեան ժամը 10:00-ին, Տանն Կիլիկիոյ Կաթողիկէ Հայոց Ամեն. եւ Գերերջանիկ Տէր Ներսէս Պետրոս ԺԹ.
 
Կաթողիկոս Պատրիարքը  ընդունեց Լիբանանի մէջ Աւստրիոյ դեսպանուհին տոքթ. Էվա Մարիա Զիկլըր: Հանդիպման ներկայ եղան Պատրիարարքական Փոխանորդ Արհի. հայր Վարդան եպս. Աշգարեան եւ Ս. Կուսին Աւետման եկեղեցւոյ ժողովրդապետ հայր Վարդան վրդ. Գազանճեան:

Ծանօթացման այս հանդիպման ընթացքին անդրադարձան Վիեննայի Մխիթարեան միաբանութեան պատմական, մշակութային եւ հոգեւոր արժէքներու մասին: Ամենապատիւ Հոգեւոր Տէրը ընդհառաջելով մեծարգոյ հիւրին հետաքրքրութեան, լայն տեղեկութիւններ փոխանցեց Զմմառու դարաւոր վանքին ինչպէս նաե Հայ Կաթողիկէ պատրիարքութեան եւ Լիբանանահայ Կաթողիկէ համայնքի մասին:

Իր կարգին, դեսպանուհին խօսեցաւ տարիներ առաջ իր տուած այցելութեան մասին պատմական Հայաստան եւ բարձր գնահատանքով արտայայտուեցաւ Հայ ժողովուրդի մասին:

Քննարկուեցաւ նաեւ Միջին Արեւելքի Քրիստոնեաներու գոյատեւման հարցը, անդրարդառնալով քրիստոնեաներու դիմնագրաւած տարբեր խոչընդոտներու մասին, որ կը սպառնան անոնց գոյութիւնը տարածաշրջանէն ներս եւ կը մղէ գաղթականութեան: Այս գծով Հոգեւոր Տէրը իր տեսակէտները ու մտահոգութիւնները պարզեց՝ շեշտելով թէ Լիբանան կը յատկանշուի իր բազմազանութեամբ, ինչ որ կը հարստացնէ երկիրը եւ անոր մշակոյթը:

Հանդիպման աւարտին Ամեն. Հոգեւոր Տէրը շնորհաւորեց նորանշանակ դեսպանը եւ յաջողութիւն մաղթեց հրաւիրելով անոր այցելել Զմմառու դարաւոր վանք:  


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ