Երեքշաբթի, 24 Փետրուար 2009 - Հայաստանի Նախագահ Սերժ Սարգսեան Ընդունեց Մխիթարեան Միաբանութեան Ընդհանուր Աբբահայրը

 
Երեւան, Հայաստան

Հայաստանի նախագահ Սերժ Սարգսեանը երէկ ընդունած է Մխիթարեան միաբանութեան ընդհանրական աբբահայր, հայր Եղիա Թ.Ծ. վրդ. Քիլաղպեանը եւ Հայաստանի Մխիթարեան կրթահամալիրի տնօրէն հայր Սերոբ Չամուրլեանը:

Հանրապետութեան նախագահը բարձր գնահատած է Մխիթարեան միաբանութեան պատմական դերակատարութիւնը եւ նշած, որ միաբանութիւնը եղած է եւ կը մնայ հոգեւոր-մշակութային կարեւոր կեդրոն:

«Մեր ուժը մեր բազմազանութեան մէջ է», ընդգծած է նախագահ Սարգսեան եւ ըսած, թէ Հայաստանը իբրեւ պետութիւն պարտաւոր է հետաքրքրուիլ միաբանութեան գործերով, ըստ կարելւոյն օժանդակել առկայ խնդիրներու լուծման:

Նշելով, որ իրենց փափաքն է շարունակել 300-ամեայ ծառայութիւնը եւ հայրենանուէր գործունէութիւնը, հայր Եղիա Թ.Ծ. վրդ. Քիլաղպեան ըսած է, թէ իւրաքանչիւր օտարերկրացի Ս. Ղազար կղզի այցելելու ընթացքին նախ կը հանդիպի հայ մշակոյթին:

Մխիթարեան հայրերը նախագահ Սարգսեանի հետ խօսած են իրենց մտահոգութիւններուն, մասնաւորապէս միաբանութեան համալրման խնդիրի եւ ապագայ ծրագիրներուն մասին:

Նախագահ Սարգսեան վստահեցուցած է, որ պետութիւնը պատրաստ է իր կարելիութիւններուն ծիրին մէջ օժանդակելու Մխիթարեան միաբանութեան առջեւ ծառացած խնդիրներու լուծման:


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ