Շաբաթ, 28 Հոկտեմբեր 2006 - Գիր Շնորհաւորութեան ՆՍՕՏՏ Գարեգին Բ. Կաթողիկոսի գահակալութեան եօթներորդ տարեդարձին առիթով


Նորին Սուրբ Օծութիւն
Տ.Տ. Գարեգին Բ.
Ծայրագոյն Պատրիարք
Կաթողիկոս Ամենայն Հայոց
Մայր Աթոռ Ս. Էջմիածին



Յոյժ Սիրելի Եղբայր ի Քրիստոս,

Եղբայրական սիրոյ զգացումներով կ’ողջունենք եւ կը շնորհաւորենք Ձեզ՝ Ձեր գահակալութեան եօթներորդ տարեդարձին առիթով, եւ Ձեզի կը մաղթենք քաջառողջութիւն եւ արեւշատութիւն, որպէսզի անցնող եօթը տարիներուն Ձեր ցուցաբերած անձնուրաց կորովով, շրջահայեցութեամբ եւ ձեռներէցութեամբ գալիք տարիներուն եւս շարունակէք Ձեր աստուածահաճոյ, եկեղեցանուէր, ազգանուէր եւ հայրենանուէր առաքելութիւնը:

Այս առիթով անգամ մը եւս կը վերահաստատենք Մեր եղբայրական գործակցութեան պատրաստակամութիւնը ի խնդիր Մեր Լուսաւորչեան Հաւատքի տարածումին եւ Մեր աշխարհացրիւ եւ հայրենաբնակ ժողովուրդի բարօրութեան:

Վեհափառ Տէր, Մեր շնորհաւորութեան ու բարեմաղթանքներուն կը միացնենք Մեր աղօթքը, որպէսզի Ամենակալ Տիրոջ հովանին անպակաս ըլլայ Ձեր վրայէն:



Ներսէս Պետրոս ժԹ.
Կաթողիկոս Պատրիարք Տանն Կիլիկիոյ Կաթողիկէ Հայոց


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ