Հինգշաբթի, 11 Սեպտեմբեր 2014 - Արեւելքի պատրիարքներու համաժողով Ուաշինկթընի մէջ

Միացեալ Նահանգներ

Չորեքշաբթի, 10 սեպտեմբեր 2014-ին, Ուաշինկթընի մէջ բացումը կատարուեցաւ Արեւելքի պատրիարքներու համաժողովին, որ նուիրուած է Արեւելքի քրիստոնեաներու պաշտպանութեան ու օժանդակութեան համար: Համաժողովին իրենց մասնակցութիւնը բերին Արեւելեան Եկեղեցիներու հոգեւոր պետերը, Արեւելեան Եկեղեցիներու խորհուրդի նախագահ կարդինալ Լէոնարտօ Սանտրի, ինչպէս նաեւ քրիստոնեայ հասարակութիւններու ներկայացուցիչներ եւ լիբանանեան քրիստոնեայ կուսակցութիւններու պատուիրակներ:

Համաժողովին խօսքերը շեշտեցին միջազգային ընկերութեան յանձնառութեան վրայ վերջ դնելու համար ահաբեկչական կազմակերպութիւններուն, որոնք կը սպառնան քրիստոնեաներու գոյութեան Արեւելքի մէջ, նկատի առնելով անոնց դէմ գործուած անմարդկային բռնարարքները, մանաւանդ տեղահանութիւններն ու սպաննութիւնները Սուրիոյ եւ Իրաքի մէջ: Ժողովականները հաստատեցին թէ քրիստոնեաները փոքրամասնութիւն չեն կազմեր Արեւելքի մէջ, այլ անոնք արմատացած են շրջանին մէջ աւելի քան երկու հազար տարի է ի վեր: Անոնք վերջապէս նշեցին թէ Արեւելքը առանց քրիստոնեաներուն գոյութիւն եւ արժէք չ'ունի:
 

 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ