Ուրբաթ, 29 Օգոստոս 2014 - Սուրբ Փրկիչ Եկեղեցւոյ մէջ նշուեցաւ Աստուածածնայ Վերափոխման տօնը

Պուրճ Համմուտ
 
Հայ ժողովուրդը յատուկ սէր եւ յարգանք կը տածէ Սուրբ Աստուածածնայ հանդէպ: Այսպէս ի թիւս հայկական եկեղեցիներու «Սուրբ  Փրկիչ» եկեղեցւոյ ժողովրդապետութիւնը նոյնպէս անմասն չմնաց Վերափոխման տօնի նշումէն:

16 օգոստոս 2014-ին, երեկոյեան ժամը 6-ին «Սուրբ Փրկիչ» եկեղեցւոյ մէջ տեղի ունեցաւ Սուրբ եւ Անմահ պատարագ, զոր մատուցանենց տեղւոյն ժողովրդապետ՝ հայր Պերճ վրդ. Սապէ :

Ան իր քարոզին մէջ վեր առաւ Տիրամօր անարատ վարքը նշելով, թէ որպէս Մայր ինչպիսի հոգածութիւն ցուցաբերած էր իր զաւկին անոր կեանքի ողջ ընթացքին, եւ իր սրբակեաց կեանքով արժանացած՝ երկնքի արքայութեան:

Պատարագէն ետք տեղի ունեցաւ խաղողօրհնէքի արարողութիւն ու Լուրտի հրաշագործ ջուրի բաշխում խուռներամ բազմութեան:
 
 
 
             

 
 

 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ