Հինգշաբթի, 24 Յուլիս 2014 - Լիբանանի կաթողիկէ տեղեկատուական կեդրոնի տարեկան ընթրիք

Պէյրութ

Լիբանանի կաթողիկէ տեղեկատուական կեդրոնին կազմակերպութեամբ՝ Քազինօ տիւ Լիպանի մէջ, չորեքշաբթի 23 յուլիս 2014, երեկոյեան ժամը 8:30-ին տեղի ունեցաւ տարեկան ընթրիք, որուն ներկայ եղան քաղաքական, հոգեւոր եւ հասարակական անձնաւորութիւններ, պատկառելի մարմիններու ներկայացուցիչներ եւ հոծ բազմութիւն: Հայ կաթողիկէ պատրիարքարանէն իր մասնակցութիւնը բերաւ «Սուրբ Գրիգոր Նարեկացի» կեդրոնին տնօրէն՝ հայր Վարդան վրդ. Գազանճեան: Սոյն ընթրիքին մարոնիներու պատրիարք՝  Կարդինալ Պշարա Ռաի, իր ելոյթին մէջ անդրադարձաւ երկրի ընդհանուր կացութեան, նախագահական ընտրութիւններուն եւ մանաւանդ Միջին Արեւելքի քրիստոնեաներու կրած հալածանքներուն: Խօսք առին նաեւ Լիբանանի Եպիսկոպոսական հաղորդամիջոցներու յանձնախումբի նախագահ Պուլոս Մաթար եւ տեղեկատուական կեդրոնի տնօրէն արժ. Ապտօ քհն. Ապու Քասմ:

 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ