Երեքշաբթի, 6 Մայիս 2014 - Մերսրոպեան Վարժարանի Նախկին Սաներու Միութեան ընդհանուր ժողով

Պուրճ Համուտ

Անդամական Ընդհանուր Ժողովը տեղի ունեցաւ Ուրբաթ, 2 Մայիս 2014-ին, վարժարանի «Ֆարաճեան» սրահին մէջ:
Ժողովի սկզբանաւորութեան, ներկաները քննութեան առարկայ դարձուցին ընթացաւարտ վարչութեան երկամեայ գործունէութիւնը եւ բարձր գնահատեցին անցնող երկու տարիներուն տարուած աշխատանքը` առկայ դժուարին պայմաններուն մէջ:

Ապա մասնակիցները ներկայացուցին նոր շրջանի գործունէութեան հետ առնչուած առաջարկներ: Նախկին սաները նկատեցին, որ Մեսրոպեան վարժարանի 75-ամեակի նուիրուած յոբելենական հանդիսութիւնները պէտք է շարունակուին միեւնոյն թափով, եւ նախկին սաները վարժարանի զարգացման եւ բարգաւաճման մէջ պէտք է ունենան իրենց յատուկ եւ կարեւոր դերակատարութիւնը:
Աւարտին, Ընդհանուր ժողովին մասնակիցները ընտրեցին նոր վարչութեան հետեւեալ կազմը`

Ատենապետ` Ռաֆայէլ Ումուտեան
Փոխ-ատենապետ` Շանթ Չիւրիւքեան
Ատենադպիր` Լորի Եթերեան
Գանձապահ` Սարգիս Սէօքիւնեան
Հաշուապահ` Նազարէթ Ուլուճեան
Արխիւային` Վարդան Յովսէփեան
Խորհրդականներ`  Հիլտա Ապրիլեան-Հալլաճեան, Պիանքա Զուլամեան-Քէքէճատուրեան, Արամ Աւետիսեան, Սիմոն Պէօճէքեան, Հուրի Քէշիշեան, Ստեփան Հարմանտիքեան եւ Մարինէ Հալլաճեան: 
    
Մերսրոպեան Վարժարանի
Նախկին Սաներու Միութեան
Վարչութիւն


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ