Չորեքշաբթի, 9 Ապրիլ 2014 - Աղեքսանդրիոյ հայ կաթողիկէ թեմի առաջնորդին այցը Հայաստան

Գահիրէ

Աղեքսանդրիոյ հայ կաթողիկէ թեմի առաջնորդ՝ արհի. տէր Օգոստինոս եպս. Գուսան ուխտագնացութեամբ  այցելած է Հայաստան։
Հինգշաբթի, 3 ապրիլ 2014-ին, գերապայծառ տէրը հանդիպում մը ունեցած է ՀՀ Սփիւռքի նախարար տիկին Հրանոյշ Հակոբեանին հետ, որ առաջնորդ Գուսան եպիսկոսին  յանձնած է Հայաստանի քաղաքացիութեան փաստաթուղթը ՀՀ նախագահ Սերժ Սարգսեանին անունով: Այս առիթով գերապայծառը տէրը երախտագիտութեան ու շնորհակալութեան խօսք մը ուղղած է Հայաստանի հանրապետութեան նախագահին եւ տիկին Հրանոյշ Հակոբեանին: Ապա տեղի ունեցած է յուշանուէրներու փոխանակում:

Գերապայծառ տէրը այցելութիւն տուած է նաեւ Գիւմրիի հայ քոյրերու վանքը, ուր զինք ընդունած է մայր Արուսեակ Սաճոնեանը, տէր Պետրոս Եսայեանի, տէր Գառնիկ Յովսէփեանի եւ քոյրերու ընկերակցութեամբ: Առաջնորդ հայրը այցելած եւ օրհնած է վանքին եկեղեցին, որբանոցը, դպրոցը, ծերանոցը, մշակութային կեդրոնը եւ արուեստից վարժարանը: Մայր Սաճոնեան գերապայծառ տիրոջ տեղեկացուցած է յառաջիկայ ծրագիրներուն մասին, որոնք արդէն ընթացքի մէջ են:



Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ