Հինգշաբթի, 3 Հոկտեմբեր 2013 - Հաղորդակցութիւնը ի սպաս հանդիպման հարազատ մշակոյթի
Վատիկան

«Հաղորդակցութիւնը ի սպաս հանդիպման հարազատ մշակոյթի»։ Ասիկա պիտի ըլլայ թեման «Ընկերային հաղորդամիջոցներու համաշխարհային Օր»ուան, որ կը նշուի Եկեղեցւոյ կողմէ, Յունիսի 1-ին, Հոգեգալուստի նախորդող Կիրակին։ Այս Օրուան  Քահանայապետական պատգամին կը սպասուի յառաջիկայ 24 յունուար 2014-ին, լրագրողներու պաշտպան սուրբին՝ սուրբ Ֆրանչիսքոս Սալեզացիի տօնին օրը:

Ընկերային հաղորդամիջոցներու Քահանայապետական Խորհուրդը՝ այս թեմայի ընտրութեան մասին 30 սեպտեմբերին կատարած իր յայտարարութեան մէջ նշեց  թէ հաղորդակցութեան միջոցաւ է որ մարդիկ կրնան իրարու հանդիպիլ եւ մտերմանալ իմաստալից կերպով, այսինքն  «ով ենք մենք, ինչ կը մտածենք եւ ինչ բանի կը հաւատանք, ինչպէս կ՚ուզենք ապրիլ եւ թերեւս - ինչ որ ամէնէն  կարեւորն է -  ծանօթանալ անոնց որոնց հետ կոչուած ենք ապրելու»։

Քահանայապետական Խորհուրդը յայտնեց թէ 2014-ի Ընկերային հաղորդամիջոցներու համաշխարհային Օրուան նշումը պիտի յայտնաբերէ հաղորդակցութեան կարողութիւնը, մանաւանդ համացանցային ներկայ աշխարհին մէջ, մարդիկ քով քովի բերելու եւ համագործակցելու ի խնդիր աւելի արդար աշխարհի մը կերտումին:    

Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ