Երկուշաբթի, 4 Մարտ 2013 - ՄԱՄԼՈՅ ԼՍԱՐԱՆ. «Ակօս»ին եւ թաքուն հայերուն մասին զեկուցեց պրն. Սարգիս Սերոբեան

Պուրճ Համմուտ

Կազմակերպութեամբ Հայ Կաթողիկէ Մեսրոպեան բարձրագոյն վարժարանին եւ գործակցութեամբ «Ազդակ» օրաթերթին եւ Հայ Կաթողիկէ Պատրիարքարանի «Սուրբ Գրիգոր Նարեկացի» կեդրոնին, շաբաթ, 2 մարտ 2013-ին, երեկոյեան ժամը 6-ին, Մեսրոպեան վարժարանի «Ֆարաճեան» լսարանին մէջտեղի ունեցաւ մամլոյ 78-րդ լսարանը, որուննիւթն էր ««Ակօս» թերթնու թաքուն հայերու երեւոյթը», ներկայութեամբ Լիբանանի մէջ Հայաստանի դեսպանատան ներկայացուցիչ պրն. Վարդան Ադամեանի, Մերձաւոր Արեւելքի հայ աւետարանական եկեղեցիներու միութեան ատենապետ վեր. Սողոմոն Գիլաղպեանի, «Սուրբ Գրիգոր Նարեկացի» կեդրոնի տնօրէն՝ հայր Վարդան վրդ. Գազանճեան, պատկան մարմիններու, միութիւններու եւ մամուլի ներկայացուցիչներու, տնօրէններու, կրթական պատասխանատուներու, ուսուցիչներու, ծնողներու եւ աշակերտներու:

Հանդիսութեան բարի գալուստի խօսքը արտասանեց Մեսրոպեան վարժարանի աշակերտական խորհուրդի անդամ Մարիա Կարապետեան, որնշեց, թէ «Ակօս»ը հայկական մամուլի իրականութեան մէջ էական դեր ունի, իսկ թաքուն հայերու օրակարգը կը կարօտի ծանօթացման, ուսումնասիրութեան եւ մարտավարութիւններու որդեգրման: Կարապետեան ըսաւ, որնոր սերունդը պէտք է լաւապէս ճանչնայ Թուրքիոյներքին իրավիճակը, հայութեան դժուարութիւնները եւ այս բոլորինմէջճշդէ իր կատարելիք պարտականութիւնները:

Ապա խօսք առաւ Հայ Կաթողիկէ Մեսրոպեան բարձրագոյն վարժարանի արտադասարանային աշխատանքներու եւ հայագիտական բաժինի պատասխանատու պրն. Րաֆֆի Տէմիրճեան, որնշեց, թէ Մեսրոպեան վարժարանի եւ «Ակօս»ի միջեւ գործակցութիւնը ունի կրթական եւ ազգային բնոյթ, եւ վարժարանը իր բոլոր կարելիութիւնները ի գործ կը դնէ նպաստելու աշակերտութեան եւ շրջապատին ազգային, հոգեւոր եւ կրթական դաստիարակութեան ու համապատասխան մթնոլորտի ստեղծման:

Պրն. Տէմիրճեան Մեսրոպեան վարժարանի տնօրէնութեան անունով շնորհակալութիւն յայտնեց «Ազդակ»ին եւ «Գ. Նարեկացի» կեդրոնին, ինչպէս նաեւ բոլորանոնց, որոնքնեցուկ կանգնեցան նշեալ ծրագիրին եւ այցելութեան յաջողութեան: Պրն. Րաֆֆի Տէմիրճեան յոյս յայտնեց, որ այս նախաձեռնութիւնը առիթ կը հանդիսանայ պոլսահայ եւ լիբանանահայ ընկերութիւններու կապերու սերտացման եւ երկկողմանի յարաբերութիւններու կայացման:

Պրն. Սարգիս Սերոբեան իր զեկուցումի սկզբնաւորութեան խօսեցաւ Հրանդ Տինքի սպանութենէն ետք «Ակօս» թերթի իրավիճակին մասին: Ան նշեց, թէ թերթը սկզբնական շրջանին անցուց ցնցումային հանգրուան մը, սակայն այսօր վերահաստատուած է եւ կը շարունակէ Հրանդ Տինքին սկսած առաքելութիւնը: Պրն. Սերոբեան ներկայացուց համշէնցիներու, Տերսիմի, Ատիամանի, Սասունի, Տիարպէքիրի եւ այլ շրջաններու մէջ ապրող թաքուն հայերու ընկերատնտեսական եւ աշխարհագրական պայմանները, անոնց դիմագրաւած մարտահրաւէրներն ու շրջանի իշխանութիւններու հետ ունեցած յարաբերութիւնները:

Ան նշեց, որ համշէնցիները մինչեւ այսօր իրենց լեզուն կը պահպանեն եւ կառչած են իսլամութեան: Այս գծով, զեկուցաբերը իր անհատական այցելութիւններու շրջագիծին մէջ, փոխանցեց շարք մը վկայութիւններ եւ յուշեր, որոնց մէջ կը բացայայտուի կարգ մը մարդոց իրենց արմատներուն վերադառնալու ցանկութիւնը եւ հակառակ դիտակէտէ առկայ վախի մթնոլորտը:

«Ակօս»ի հայերէն բաժինի խմբագիրը նաեւ անդրադարձաւ թաքուն հայերու իսլամացման աշխատանքներու ընթացքին, Պատրիարքարանի եւ Հայաստանի իշխանութիւններու դերակատարութեան, ինչպէս նաեւ նշեալ օրակարգի քաղաքական շահարկումներուն մասին: Ան նշեց, որԹուրքիոյ ընկերութեան մէջ հայութեան ինքնութիւնը ընդունելի դարձնելու խնդիր գոյութիւնունի, սակայն Տինքին սպանութենէն ետք այս գծով մեծ յառաջխաղացք արձանագրուած է:

Պրն. Սարգիս Սերոբեան ըսաւ. «Թուրքը հայրենասէր չէ եւ երբեքպիտի չըլլայ. կ'ըսեն, որ եթէ այս երկիրը մենք չենք սիրեր, լքենք: Ես իմ անտառս չեմ վառեր, իսկ դուն (թուրք) որ անտառդ կը վառես, կը նշանակէ որ այս երկիրը չես սիրեր, ուրեմն, դուն գնա՛: Մնայուն կերպով տեղափոխութիւններու ենթարկուած ժողովուրդները իրենց ապրած տեղերը պիտի չսիրեն, իսկ ես պիտի շարունակեմ խմել Եփրատի ցեխոտ ջուրը եւ բոպիկ պիտի քալեմ Վանայ լիճին շուրջը»: Աւարտին, Սերոբեան հարցումներուն ընդմէջէն նիւթինշուրջ ներկաներուն փոխանցեց յաւելեալ լուսաբանութիւններ:




Յիշենք, որ հինգշաբթի 28 փետրուար 2013-ին, Տանն Կիլիկիոյ Կաթողիկէ Հայոց ամենապատիւ Տէր Ներսէս Պետրոս ԺԹ. Կաթողիկոս Պատրիարքը ընդունեց Պոլսոյ «Ակսօ» թերթի հայերէն բաժինի խմբագիր Սարգիս Սերոբեան հայ կաթողիկէ պատրիարքարանին մէջ, ներկայութեամբ հայր Վարդան վրդ. Գազանճեանի, պրն. Սարգիս Նաճարեանի եւ պրն. Կրէկուար Գալուստի:


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ