Երկուշաբթի, 20 Օգոստոս 2007 - Ս.Աստուածածնի Վերափոխման Տօնը Պոլսոյ Մէջ

 

 
Պոլիս, Թուրքիա
 

Կիրակի՝ 12 Օգոստոս 2007ին, հաւատացեալներու հոծ բազմութիւն մը եկած էր շոգենաւով եւ հետեւած էր Աստուածածնի Վերափոխման Տօնի արարողութեան, որ տեղի ունեցաւ Մարմարա ծովուն մեծ կղզիին՝ Պույուքատայի Վերափոխման նուիրուած եկեղեցւոյ մէջ:

Օրուան Ս. Պատարագը մատուցեց Արհի. Գէորգ Արք. Խազումեան.առընթերակայ էին Մխիթարեան Հայր՝ Յակոբոս Չօփարեան եւ Քհնյ. Տէր Հայկարամ Չէքիճեան: Սարկաւագութիւնը կատարեց Տէր Յակոբ Մինասեան իսկ երգեցողութիւնը՝ միացեալ երգչախումբը:

Սուրբ Աւետարանի ընթերցումէն ետք, Խազումեան Գերապայծառը տուաւ օրուան պատգամը եւ տօնէն ներշնչուած խօսեցաւ Ս. Կոյսին Վերափոխման եւ Փառաւորման պատմականին մասին: Ան ըսաւ թէ երգելով Անթառամ Ծաղիկը կը գովերգենք այն՝ որ եղաւ «ամենօրհնեալն ի կանայս եւ համեղաճաշակ պտղոյն բանաւոր բարունակը, այսինքն շառաւիղը»: Տօնախմբութիւնը փակուեցաւ Ժողովեալ երգով, հռչակելու համար հրաշափառ կուսութիւնը եւ մայրութիւնը Ս. Աստուածածնի:

Պատարագի աւարտին տեղի ունեցաւ խաղողօրհնէքի արարողութիւն որմէ ետք հաւատացեալները առաջնորդուեացան դէպի պարտէզ ուր իրենց համար պատրաստուած էր հիւրասիրութիւն:

 

 

 

           
  


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ