Երեքշաբթի, 3 Յուլիս 2012 - Դիւան թիւ 136/12


Պէյրութ, 3 Յուլիս 2012

Դիւան թիւ 136/12

Արհի. Միքայէլ Եպս. Մուրատեան
Վիճակաւոր Հիւսիսային Ամերիկայի Տիրամայր Նարեկի թեմին

Արհիապատիւ Գերապայծառ Տէր,

Հաճոյքով ստացայ Ձեր 2 Յուլիս 2012 թուակիր նամակը Գեր. Տէր Թովմաս վրդ. Կարապետեանի անդամակցութեան մասին Հիւսիսային Ամերիկայի Տիրամայր Նարեկի թեմին։

Սիրով կ՚ընդառաջեմ Ձեր փափաքին եւ կ՚արտօնեմ Գեր. Տէր Թովմաս վրդ. Կարապետեանին որ արձանագրուի Հիւսիսային Ամերիկայի Տիրամայր Նարեկի թեմին ի մեծագոյն փառս Աստուծոյ եւ յօգուտ Ձեր սիրեցեալ ու բարեպաշտ հաւատացեալներուն։

Մաղթանքս է որ Ամենակալն Աստուած յարուցանէ ուրիշ բազմաթիւ քահանայական կոչումներ, հայազգի զաւակները Աստուծոյ աւելի մօտեցնելու՝ խորապէս ճանչնալով աստուածային անհուն սէրը իրենց հանդէպ, որպէսզի դառնան Ս. Աւետարանին ճշմարիտ վկաներ իրենց միջավայրին մէջ, մեր նախնիքներուն նման, որոնք նուիրական զգացումներով կը յիշենք։

Աղօթից միութեամբ եւ հայրական օրհնութեամբ՝


+ Ներսէս Պետրոս ժԹ.
Կաթողիկոս Պատրիարք Տանն Կիլիկիոյ
   Կաթողիկէ Հայոց


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ