Հինգշաբթի, 17 Մայիս 2012 - Քահանայական ձեռնադրութիւն Արժանթինի մէջ


Քորտոպա, Արժանթին

Արժանթինի Քորտոպա քաղաքին մէջ տեղի ունեցաւ քահանայական ձեռնադրութիւն՝ տէր Սեպասթիան Լոփէզի, հանդիսադրութեամբ Լատին Ամերիկայի հայ կաթողիկէ թեմի առաջնորդ՝ արհի. հայր Վարդան եպս. Պօղոսեանի։
Ձեռնադրութիւնը առաջին մասով տեղի ունեցաւ շաբաթ օր՝ 12 մայիսին կէսօրէ ետք, ուր ընտրեալը կատարեց իր հաւատքի դաւանութիւնը։
Իսկ երկրորդ մասը տեղի ունեցաւ կիրակի օր՝ 13 մայիսին, առաւօտեան ժամը 10-ին, սուրբ Պատարագին ընթացքին, մասնակցութեամբ Ուրուկուէյի հայ կաթողիկէ ժողովրդապետ՝ հայր Անթոնիօ Քէչէճեանի, «Մայր Փրկիչ» նորընծայարանի տեսուչ՝ հայր Կիյոմի, ուր ընտրեալը իր ուսումը կատարած է 8 տարի, Արժանթինի մարոնի եպիսկոպոս՝ մոնսինիոր Շարպէլ Մըրըի, Քորտոպա քաղաքի լատին ժողովրդապետի եւ Պուէնոր Այրէսի այլ քահանաներու։ Ձեռնադրութեան ներկայ գտնուեցան նաեւ ձեռնադրեալին մայրն ու եղբայրները։

Ձեռնադրութենէն ետք տեղի ունեցաւ մեծ հանդէս մը ժողովրդապետութեան մէջ, ուր նորօծ քահանան՝ տէր Կոմիտաս Սեպասթիան նուէրներ ստացաւ։ Այս հանդիսութեան մասնակցեցաւ ժողովրդապետութեան «Նարեկ» պարախումբը ի պատիւ նորօծ քահանային, ներկայութեամբ 500 հոգիի։ Ձեռնադրութեան արարողութիւնը սփռուեցաւ տեղւոյն Քորտոպայի կաթողիկէ ձայնասփիւռէն (900 քմ. հեռաւորութեամբ Պուէնոս Այրէսէն)։

   ‏ 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ