Կիրակի, 22 Յունուար 2012 - Աստուածայայտնութեան տօնը Շուէտի հայ կաթողիկէ եկեղեցւոյ մէջ


Սթօքհոլմ, Շուէտ

Սթօքհոլմի հայ կաթողիկէ համայնքը այս տարի մեծ շուքով եւ ցնծութեամբ տօնեց Տեառն Մերոյ Յիսուսի Քրիստոսի Աստուածայայտնութեան տաղաւար տօնը: Հանդիսաւոր սուրբ եւ անմահ Պատարագը մատուցանեց ու յաւուր պատշաճի քարոզեց գեր. տէր Յովսէփ վրդ. Պահէ, ժողովրդապետ՝ Շուէտի հայ կաթողիկէ համայնքին:
Այս հանդիսաւոր սուրբ եւ անմահ Պատարագին մասնակցեցաւ Շուէտի Լատին կաթողիկէ Եկեղեցւոյ առաջնորդ՝ արհի. Անտրէաս եպս. Արպորէլիոսը, որ իր հայրական յորդորներն ու օրհնութիւնները փոխանցեց Շուէտի հայ կաթողիկէ համայնքի հաւատացեալներուն: Ինչպէս նաեւ Շուէտի հայ կաթողիկէ համայնքը մեծ ուրախութեամբ հիւրընկալեց Վիէննայէն ժամանած գեր. հայր Վահան  վրդ. Յովակիմեան՝ Մխիթարեան միաբանը, որ երկու օրուայ համար կը գտնուէր Սթօքհոլմ:
Սուրբ եւ անմահ Պատարագին երգեցողութիւնը կատարեցին Շուէտի հայ կաթողիկէ եկեղեցւոյ երգչախումբի անդամները եւ սուրբ Խարանին սպասաւորեցին տիրացու երկու կիսա-սարկաւաքները եւ փոքր սպսաւորները:
Յաւարտ սուրբ Պատարագին, բոլոր հաւատացեալները ուղղուեցան եկեղեցւոյ սրահը, ուր եկեղեցւոյ տիկնանց վարչութեան նուիրեալ անդամուհինրը պատրաստած էին ճոխ հիւրասիրութիւն մը: Համայնքին զաւակները հաճելի ժամանակ անցուցին փոխանակելով իրար շնորհաւորութիւններ ու բարեմաղթանքներ:

 


 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ