Ուրբաթ, 25 Նոյեմբեր 2011 - Հայաստանի կրթութեան եւ գիտութեան նախարարի պաշտօնական այցելութիւնը Լիբանան


Պէյրութ, Լիբանան

Երէկ երեկոյեան՝ 24 նոյեմբեր 2011, Հայաստանի կրթութեան եւ գիտութեան նախարար Արմէն Աշոտեան երկօրեայ պաշտօնական այցելութեամբ ժամանեց Լիբանան, ընկերակցութեամբ մարդկային պաշարներու «Փիւնիկ» հիմնադրամի նախագահ Գաբրիէլ Չեմպերճեանի։

Այսօր երեկոյեան, ժամը 6.30-ին, Հայաստանի դեսպանատան մէջ տեղի պիտի ունենայ լիբանանահայ դպրոցներուն հետ կազմակերպուած պաշտօնական ընդունելութիւն ներկայութեամբ Հայաստանի կրթութեան եւ գիտութեան նախարար Արմէն Աշոտեանի, Լիբանանի մօտ Հայաստանի դեսպան Աշոտ Քոչարեանի եւ մասնակցութեամբ Լիբանանի հայ կաթողիկէ վարժարաններու տնօրէններուն։ Հանդիպման նպատակն է քննարկել հայկական դպրոցներուն ներկայիս դիմագրաւած հարցերը, կարիքները եւ ակնկալութիւնները Հայաստանի կրթութեան եւ գիտութեան նախարարութենէն, լիբանանահայ վարժարաններուն կարիքները գոհացնելու իմաստով։

Յիշենք, որ այցելութեան ընթացքին, նախարար Արմէն Աշոտեան պիտի նուիրէ Հայաստանի հանրապետութեան անունով՝ 120 տարրալուծարաններ լիբանանեան 120 պետական վարժարաններու համար, ինչպէս նաեւ այցելութիւնը առիթ պիտի հանդիսանայ վերահաստատելու կրթական երկկողմանի յարաբերութիւնները, հիմնուելով նախապէս ստորագրուած համաձայնագիրներուն վրայ Լիբանանի եւ Հայաստանի կրթութեան նախարարութիւններու միջեւ։ 

 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ