Ուրբաթ, 22 Յուլիս 2011 - Թուրքիոյ փոքրամասնութեանց իրաւանց բանաձեւի վաւերացում Ամերիկայի մէջ


Ուաշինկթըն, Ամերիկա

Չորեքշաբթի, 20 յուլիս 2011, Ամերիկայի Միացեալ Նահանգներու Ներկայացուցիչներու Տան արտաքին գործոց յարաբերութեանց յանձնաժողովը 43 թեր եւ 1 դէմ քուէով վաւերացուց Թուրքիոյ փոքրամասնութեանց իրաւանց բանաձեւը, որով կոչ կ'ուղղեն Թուրքիային վերջ տալու կրօնական խտրականութեան, շնորհել կրօնական ազատութիւն դադրեցնելով բոլոր սահմանափակումները հաւաքներու համար, արտօնելու աղօթքի եւ կրօնական կրթութիւն, եւ վերադարձնելու քրիստոնեաներու պատկանող ապօրինի բռնագրաւած եկեղեցիները իրենց տէրերուն:
Բանաձեւին վաւերացումը, որ կը վայելէր Քոնկրէսի 34 համանախագահ հովանաւորներու աջակցութիւնը երկու կուսակցութիւններէն, հայ, յոյն եւ ասորի գաղտէացի համայնքներուն ի նպաստ հանդիսացաւ:
Միացեալ Նահանգներու հայ դատի յանձնախումբը, Ամերիկայի յունական ինստիտուտը (AHI), Ամերիկայի յունական կրթական հաստատութիւնը եւ Հայաստանի առաջադիմական միութիւնը (AHEPA) կ'ողջունեն այս գերակշիռ յաղթանակը, կոչ ուղղելով իրենց համայնքներուն աջակցիլ բանաձեւի ընդունման: 


 


Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ